BABUGORKHALI

समाचार मनोरन्जन आदिको सगालो

अस्पतालको शैयावाट क्यान्सर पिडित नेपालीहरुको सहयोगका लागि याचना

Published on Saturday, June 25, 2011 9:32 AM // ,


        -लक्ष्मण खनाल / गणेश वानियाँ 
२४ जुन २०११
क्यान्सर पिडित नेपालीद्वय किशान राई तथा मुक्तिराम कुँवरले अस्पतालको शैयावाट सहयोगका लागि सम्पूर्ण नेपालीहरुमा अपिल गरेका छन् । बिगत चार महिनावाट आँखा भित्रको हड्डीमा क्यान्सर भई उपचार गरिहेका खोटाङ्ग छोरम्वु - ५ याङ्गसोलाका २५ बर्षिय किशान राई कतार स्थीत एक कम्पनीमा इलेक्ट्रीसियनका रुपमा कार्यरत रहेका थिए ।
शुरुमा आँखा सुनिएर परिक्षणका लागि हस्पिटलमा पुगेका राईलाई चिकित्सकले क्यान्सर भएको जानकारी दिए पछि छाँगावाट खसे जस्तै भए । चार भाई मध्येका साहिला भाई राई घरको आर्थिक अबस्था नाजुक रहेको र त्यसैको समुन्नतीका लागि २५ महिना पहिले कतार आएका थिए । चार महिनाको निरन्तर उपचार पछि स्वास्थ्यमा केही क्रमिक सुधार आए पनि चिकित्सकहरुले निरन्तर औषधी प्रयोग गर्नु पर्ने बताएका छन् । अस्पतालमा दैनिक एक सय कतारी रियाल बेड शुल्क तिर्नु पर्ने भएकाले बिगत केही समयवाट कम्पनीले सो रकम पनि उपलव्ध नगराएकोले चिन्तित हुदै भने खानाका लागि साथीभाईहरुले सहयोग गरिरहेका छन् बेड शुल्क कसरी तिर्ने होला गुल्मी घर भएका बालकृष्ण पछाई र स्याङ्गजाका प्रकाश परियार तथा उनका साथीहरुले छुट्टीको समय मिलाएर पालैपालो भेटघाट तथा खानाको व्यबस्था गरिरहेका छन् ।

 उनी संगै अर्को बेडमा पल्टिरहेका डिभर्ना ९ अर्घखाँचीका ३४ बर्षिय मुक्तिराम कुँवर पनि छातीको क्यान्सरको उपचार गराइरहेका छन् । एक छोरा र एक छोरीका पिता कुँवर कतार स्थीत एक कम्पनीमा होटलमा कार्यरत रहेका थिए । २००६ जनवरीवाट कतारलाई कर्मथलो बनाएका उनी अस्पतालमा भर्ना भए पछि पनि कम्पनीले बिभिन्न बाहाना बनाउदै नेपाल पठाउन खोजेको र चिकित्सकहरुको सल्लाहले गर्दा उपचार भई रहेको र नेपाली दुतावासमा पनि सम्पर्क गरेको जानाकारी दिए । दैनिक बेड शुल्क सय रियाल कम्पनीले उपलव्ध नगराएको गुनासो गर्दै सहयोगका लागि कतार स्थीत सम्पूर्ण नेपाली संघ संस्थाहरुमा अपिल गरेका छन् । केही महिनामा नै नेपाल स्थानान्तरण गरिने चिकित्शकहरुले बताएको र दीर्घकालीन रुपमा औषधी सेवन र अस्पतालको प्रत्यक्ष निगरानीमा रही रहनु पर्ने हुदाँ नेपालमा औषधी उपचारका लागि महङ्गो पर्ने हुनाले सम्पूर्ण नेपालीहरुमा सहयोगका लागि अनुरोध गरेका छन् । त्यही अस्पतालमा हाउस किपिङ्गमा कार्यरत नवलपरासीका सन्दिप गोदाई मगरका अनुसार हाल क्यान्सर वार्डमा २ जना नेपाली मात्र रहेका छन् । 

0 comments

Leave a comment