.: दुई हप्ता डिस्टर्व नगर्नु : हमाल

दुई हप्ता डिस्टर्व नगर्नु : हमाल

Published on Wednesday, October 12, 2011 9:59 AM // फिल्मी खबर

एघारै महिनासम्मै सुटिङै–सुटिङ । दौडधुप र कामै–कामले जीर्ण बनेको शरिर । कहिले उद्घाटन त कहिले मुहूर्त । स्वदेशमा हुँदा राजेश हमालको दैनिकी यति व्यस्त हुन्थ्यो कि उनको नीजि जीवन उनी आफैले गुमाइसकेका थिए । तर, हमाल यतिबेला यो धपेडी छाडेर रिल्याक्स गर्न अमेरिकामा छन् । सायद, यही तनावबाट मुक्त हुन हमाल फोन सम्पर्कबाट टाढा रहन चाहन्छन् ।

अमेरिका पुगेका हमालले नेपालमा रहेका आफ्ना सहयोगीलाई फोन गरी दुई हप्तासम्म आफूलाई फोन गरेर डिस्टर्व नगर्न भनेका छन् । किन राजेश फोनबाट टाढिन चाहन्छन् ? सहयोगी दीपेन्द्र महतो भन्छन् –अबको एक महिना उहाँ पूर्णरुपमा काम बिर्सिएर भ्याकेसनमा लाग्न चाहनुहुन्छ ।’ उसै त स्वदेशमा हुँदा मोबाइल नबोक्ने, मिडियाबाट टाढिन खोज्ने अनि असामाजिक भएको आरोप खेपेका हमाल अमेरिकामा पुगेपनि फोनबाट टाढिनु नौलो कुरो भने होइन ।

गतवर्ष नै हो अमेरिकामा रहेका आफन्तले हमालको नाममा फेसबुक र इमेल खोलिदिएको तर, न ती प्रयोगमा छन् न त हमाल इन्टरनेट चलाउनै रुचि लिन्छन् । यद्यपी, अरुबाट टाढिन खोजेपनि हमाल पक्कैपनि आफ्नी प्रेमिका मधु केसीसँग भने नियमित सम्पर्कमा होलान् । महानायकलाई रिल्याक्सको शुभकामना !

Shabar : merocinema.com